PRTC ਕੰਟਰੈਕਟ ਵਰਕਰਾਂ ਨੇ ਤਨਖ਼ਾਹ ਨਾ ਮਿਲਣ ਦੇ ਰੋਸ ‘ਚ ਪੰਜਾਬ ਸਰਕਾਰ ਵਿਰੁੱਧ ਕੀਤੀ ਨਾਅਰੇਬਾਜ਼ੀ

PRTC contract workers Protest; ਨਵਾਂਸ਼ਹਿਰ ਰੋਡਵੇਜ਼ ਦੇ ਆਰਜ਼ੀ ਕਰਮਚਾਰੀਆਂ ਨੇ ਆਪਣੀਆਂ ਮੁੱਖ ਮੰਗਾਂ ਨੂੰ ਲੈ ਕੇ ਦੁਪਹਿਰ 12 ਵਜੇ ਬੱਸ ਸਟੇਸ਼ਨ ਦੇ ਗੇਟ ‘ਤੇ ਧਰਨਾ ਦਿੱਤਾ। ਇਸ ਮੌਕੇ ਉਨ੍ਹਾਂ ਕਿਹਾ ਕਿ ਮਹੀਨੇ ਦੀ 15 ਤਰੀਕ ਤੋਂ ਬਾਅਦ ਵੀ ਹੁਣ ਤੱਕ ਤਨਖਾਹ ਨਹੀਂ ਦਿੱਤੀ ਗਈ, ਇਸ ਲਈ, ਪੰਜਾਬ ਦੇ ਸਾਰੇ ਬੱਸ ਡਿਪੂ ਬੰਦ ਕਰ ਦਿੱਤੇ ਗਏ ਹਨ। ਉਨ੍ਹਾਂ ਕਿਹਾ ਕਿ ਸਰਕਾਰ ਜੋ ਕਿਲੋਮੀਟਰ ਸਕੀਮ ਲਿਆ ਰਹੀ ਹੈ, ਉਸ ਦਾ ਟੈਂਡਰ ਰੱਦ ਨਾ ਹੋਣ ਤੱਕ ਇਸ ਤਰ੍ਹਾਂ ਵਿਰੋਧ ਪ੍ਰਦਰਸ਼ਨ ਕੀਤੇ ਜਾਣਗੇ। ਇਹ ਵਿਰੋਧ ਪ੍ਰਦਰਸ਼ਨ ਅਤੇ ਬੱਸ ਸਟੇਸ਼ਨ ਕਿਲੋਮੀਟਰ ਸਕੀਮ ਅਤੇ ਤਨਖਾਹ ਨਾ ਮਿਲਣ ਕਾਰਨ ਬੰਦ ਕਰ ਦਿੱਤੇ ਗਏ ਹਨ। ਜੇਕਰ ਸਰਕਾਰ ਇਨ੍ਹਾਂ ਬੱਸਾਂ ਦੀਆਂ ਤਨਖਾਹਾਂ ਅਤੇ ਟੈਂਡਰ ਰੱਦ ਨਹੀਂ ਕਰਦੀ, ਤਾਂ ਰਾਜ ਪੱਧਰੀ ਸੰਗਠਨ ਜੋ ਵੀ ਫੈਸਲਾ ਲਵੇਗਾ, ਉਸ ਅਨੁਸਾਰ ਅਗਲੀ ਕਾਰਵਾਈ ਕੀਤੀ ਜਾਵੇਗੀ।