ਪੰਜਾਬ ‘ਚ ਫੈਲੀ ਧੂੰਏਂ ਦੀ ਚਾਦਰ, ਇੱਕੋ ਦਿਨ 442 ਥਾਵਾਂ ‘ਤੇ ਪਰਾਲੀ ਸਾੜਨ ਦੇ ਮਾਮਲੇ ਆਏ ਸਾਹਮਣੇ, ਸੂਬੇ ਦਾ AQI ਬੇਹੱਦ ਮਾੜੀ ਸ਼੍ਰੇਣੀ ‘ਚ
Stubble Burning Cases: ਪੰਜਾਬ ਦੇ ਮੁੱਖ ਮੰਤਰੀ ਦੇ ਜ਼ਿਲ੍ਹੇ ਸੰਗਰੂਰ ਵਿੱਚ ਪਰਾਲੀ ਸਾੜਨ ਦੇ ਸਭ ਤੋਂ ਵੱਧ 108 ਮਾਮਲੇ ਸਾਹਮਣੇ ਆਏ। ਤਰਨ ਤਾਰਨ ਵਿੱਚ 49, ਪਟਿਆਲਾ ਵਿੱਚ 33, ਅੰਮ੍ਰਿਤਸਰ ਵਿੱਚ 15, ਫਿਰੋਜ਼ਪੁਰ ਵਿੱਚ 40, ਬਠਿੰਡਾ ਵਿੱਚ 42, ਮੋਗਾ ਵਿੱਚ 24, ਕਪੂਰਥਲਾ ਵਿੱਚ 22 ਅਤੇ ਮਾਨਸਾ ਵਿੱਚ 28 ਮਾਮਲੇ ਸਾਹਮਣੇ ਆਏ।
Stubble Burning Cases in Punjab: ਸ਼ਨੀਵਾਰ ਨੂੰ ਪੰਜਾਬ ‘ਚ ਪਰਾਲੀ ਸਾੜਨ ਦੇ ਰਿਕਾਰਡ 442 ਮਾਮਲੇ ਸਾਹਮਣੇ ਆਏ, ਜਿਸ ਨਾਲ ਕੁੱਲ ਗਿਣਤੀ 2,084 ਹੋ ਗਈ। ਤਰਨ ਤਾਰਨ ਜ਼ਿਲ੍ਹੇ ਵਿੱਚ ਪਰਾਲੀ ਸਾੜਨ ਦੇ ਸਭ ਤੋਂ ਵੱਧ ਮਾਮਲੇ ਸਾਹਮਣੇ ਆਏ, ਹੁਣ ਤੱਕ 423 ਮਾਮਲੇ ਸਾਹਮਣੇ ਆਏ। ਮੁੱਖ ਮੰਤਰੀ ਭਗਵੰਤ ਮਾਨ ਦਾ ਜ਼ਿਲ੍ਹਾ ਸੰਗਰੂਰ 389 ਮਾਮਲਿਆਂ ਨਾਲ ਦੂਜੇ ਸਥਾਨ ‘ਤੇ ਹੈ। ਅੰਮ੍ਰਿਤਸਰ ਜ਼ਿਲ੍ਹਾ 212 ਮਾਮਲਿਆਂ ਨਾਲ ਤੀਜੇ ਸਥਾਨ ‘ਤੇ ਹੈ। ਲਗਾਤਾਰ ਪਰਾਲੀ ਸਾੜਨ ਕਾਰਨ ਪੰਜਾਬ ਵਿੱਚ ਪ੍ਰਦੂਸ਼ਣ ਵਧ ਰਿਹਾ ਹੈ।
ਪਰਾਲੀ ਦਾ ਧੂੰਆਂ ਲੋਕਾਂ ਲਈ ਜੀਵਨ ਮੁਸ਼ਕਲ ਬਣਾ ਰਿਹਾ ਹੈ। ਇਸ ਤੋਂ ਇਲਾਵਾ, ਧੂੰਏਂ ਦਾ ਇਕੱਠਾ ਹੋਣਾ ਵਿਜ਼ੀਬਿਲਟੀ ਨੂੰ ਵੀ ਘਟਾ ਰਿਹਾ ਹੈ। ਸੀਪੀਸੀਬੀ ਦੇ ਅੰਕੜਿਆਂ ਅਨੁਸਾਰ, ਖੰਨਾ ਵਿੱਚ 243, ਪਟਿਆਲਾ ਵਿੱਚ 209 ਅਤੇ ਮੰਡੀ ਗੋਬਿੰਦਗੜ੍ਹ ਵਿੱਚ 205 ਦਾ AQI ਦਰਜ ਕੀਤਾ ਗਿਆ, ਇਹ ਸਾਰੇ ਮਾੜੇ ਵਰਗ ਵਿੱਚ ਹਨ। ਯੈਲੋ ਜ਼ੋਨ ਵਿੱਚ ਚਾਰ ਹੋਰ ਸ਼ਹਿਰਾਂ ਵਿੱਚ AQI ਦਰਜ ਕੀਤਾ ਗਿਆ।
ਇਨ੍ਹਾਂ ਚੋਂ, ਜਲੰਧਰ ਵਿੱਚ 184, ਬਠਿੰਡਾ ਵਿੱਚ 166, ਲੁਧਿਆਣਾ ਵਿੱਚ 176 ਅਤੇ ਰੂਪਨਗਰ ਵਿੱਚ 140 ਦਾ AQI ਦਰਜ ਕੀਤਾ ਗਿਆ। 31 ਅਕਤੂਬਰ ਤੱਕ, ਪੰਜਾਬ ਵਿੱਚ 659 ਮਾਮਲਿਆਂ ਵਿੱਚ ਕੁੱਲ ₹34 ਲੱਖ 50 ਹਜ਼ਾਰ ਦਾ ਜੁਰਮਾਨੇ ਲਗਾਏ ਗਏ ਹਨ, ਜਿਨ੍ਹਾਂ ਚੋਂ ₹18 ਲੱਖ ਵਸੂਲੇ ਗਏ। 467 ਮਾਮਲਿਆਂ ਵਿੱਚ ਐਫਆਈਆਰ ਦਰਜ ਕੀਤੀਆਂ ਗਈਆਂ ਅਤੇ 555 ਲਾਲ ਐਂਟਰੀਆਂ ਕੀਤੀਆਂ ਗਈਆਂ ਹਨ।
ਮੁੱਖ ਮੰਤਰੀ ਦੇ ਗ੍ਰਹਿ ਜ਼ਿਲ੍ਹੇ ਸੰਗਰੂਰ ਵਿੱਚ ਸਭ ਤੋਂ ਵੱਧ ਪਰਾਲੀ ਸਾੜੀ ਗਈ
ਸ਼ਨੀਵਾਰ ਨੂੰ, ਮੁੱਖ ਮੰਤਰੀ ਦੇ ਗ੍ਰਹਿ ਜ਼ਿਲ੍ਹੇ ਸੰਗਰੂਰ ਵਿੱਚ ਪਰਾਲੀ ਸਾੜਨ ਦੇ ਸਭ ਤੋਂ ਵੱਧ 108 ਮਾਮਲੇ ਸਾਹਮਣੇ ਆਏ। ਤਰਨਤਾਰਨ ਵਿੱਚ 49, ਪਟਿਆਲਾ ਵਿੱਚ 33, ਅੰਮ੍ਰਿਤਸਰ ਵਿੱਚ 15, ਫਿਰੋਜ਼ਪੁਰ ਵਿੱਚ 40, ਬਠਿੰਡਾ ਵਿੱਚ 42, ਮੋਗਾ ਵਿੱਚ 24, ਕਪੂਰਥਲਾ ਵਿੱਚ 22 ਅਤੇ ਮਾਨਸਾ ਵਿੱਚ 28 ਮਾਮਲੇ ਸਾਹਮਣੇ ਆਏ ਹਨ। ਜੇਕਰ ਅਸੀਂ ਮੌਜੂਦਾ ਸੀਜ਼ਨ ਵਿੱਚ ਹੁਣ ਤੱਕ ਦੇ ਕੁੱਲ ਮਾਮਲਿਆਂ ‘ਤੇ ਨਜ਼ਰ ਮਾਰੀਏ ਤਾਂ ਤਰਨਤਾਰਨ, ਸੰਗਰੂਰ ਅਤੇ ਅੰਮ੍ਰਿਤਸਰ ਤੋਂ ਇਲਾਵਾ, ਫਿਰੋਜ਼ਪੁਰ ਤੋਂ 207, ਪਟਿਆਲਾ ਤੋਂ 130, ਗੁਰਦਾਸਪੁਰ ਤੋਂ 52, ਕਪੂਰਥਲਾ ਤੋਂ 84, ਬਠਿੰਡਾ ਤੋਂ 134, ਫਾਜ਼ਿਲਕਾ ਤੋਂ 27, ਜਲੰਧਰ ਤੋਂ 38, ਬਰਨਾਲਾ ਤੋਂ 46, ਲੁਧਿਆਣਾ ਤੋਂ 38, ਮੋਗਾ ਤੋਂ 56, ਮਾਨਸਾ ਤੋਂ 69, ਫਤਿਹਗੜ੍ਹ ਸਾਹਿਬ ਤੋਂ 29, ਮੁਕਤਸਰ ਤੋਂ 48, ਫਰੀਦਕੋਟ ਤੋਂ 25, ਐਸ.ਬੀ.ਐਸ. ਨਗਰ ਤੋਂ ਸੱਤ, ਹੁਸ਼ਿਆਰਪੁਰ ਤੋਂ 15 ਅਤੇ ਮਲੇਰਕੋਟਲਾ ਤੋਂ 32 ਮਾਮਲੇ ਸਾਹਮਣੇ ਆਏ ਹਨ।
