Sidhu Moose Wala ਦੇ ਕਤਲ ਨੂੰ ਪੰਜਾਬੀ ਗੈਂਗਸਟਰ ਨੇ ਕੀਤਾ ਵੱਡਾ ਦਾਅਵਾ, ਵੀਡੀਓ ਸ਼ੇਅਰ ਕਰ ਰਿਹਾ ਭਾਰਤੀ ਏਜੰਸੀਆਂ ਨੇ ਮਰਵਾਇਆ, ਮੈਨੂੰ ਵੀ….
Punjabi Gangster: ਮਾਨ ਘਣਸ਼ਾਮਪੂਰੀਆ ਨੇ ਇੱਕ ਵੀਡੀਓ ਜਾਰੀ ਕਰਕੇ ਕਿਹਾ ਕਿ ਭਾਰਤੀ ਏਜੰਸੀਆਂ ਲਗਾਤਾਰ ਮੇਰਾ ਪਿੱਛਾ ਕਰ ਰਹੀਆਂ ਹਨ। ਉਹ ਮੈਨੂੰ ਮਾਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ।
Sidhu Moose Wala’s Murder Case: ਪੰਜਾਬੀ ਸਿੰਗਰ ਅਤੇ ਟਿੱਬਿਆਂ ਦੇੇ ਪੁੱਤ ਸਿੱਧੂ ਮੂਸੇਵਾਲਾ ਦੇ ਕਤਲ ਅਜੇ ਤੱਕ ਉਸ ਦੇ ਮਾਪਿਆਂ ਅਤੇ ਫੈਨਸ ਲਈ ਕਿਸੇ ਸਦਮੇ ਤੋਂ ਘੱਟ ਨਹੀਂ ਹੈ। ਪਰ ਇੱਕ ਵਾਰ ਫਿਰ ਤੋਂ ਇੱਕ ਪੰਜਾਬੀ ਗੈਂਗਸਟਰ ਨੇ ਸਿੱਧੂ ਮੂਸੇਵਾਲਾ ਦੇ ਕਤਲ ਨੂੰ ਲੈ ਕੇ ਵੱਡਾ ਦਾਅਵਾ ਪੇਸ਼ ਕੀਤਾ ਹੈ। ਦੱਸ ਦਈਏ ਕਿ ਇੰਗਲੈਂਡ ਤੋਂ ਪੰਜਾਬ ਵਿੱਚ ਪੁਲਿਸ ਸਟੇਸ਼ਨਾਂ ‘ਤੇ ਗ੍ਰਨੇਡ ਹਮਲੇ ਅਤੇ ਖੂਨ-ਖਰਾਬੇ ਦੀ ਸਾਜ਼ਿਸ਼ ਰਚਣ ਦੇ ਮਾਸਟਰਮਾਇੰਡ ਗੋਪੀ ਘਣਸ਼ਾਮਪੂਰੀਆ ਦੇ ਭਰਾ ਮਾਨ ਘਣਸ਼ੰਪੂਰੀਆ ਨੇ ਇੱਕ ਵੀਡੀਓ ਜਾਰੀ ਕੀਤਾ ਹੈ ਜਿਸ ਵਿੱਚ ਉਸਨੇ ਭਾਰਤੀ ਏਜੰਸੀਆਂ ‘ਤੇ ਲਗਾਤਾਰ ਉਸਦਾ ਪਿੱਛਾ ਕਰਨ ਦਾ ਦੋਸ਼ ਲਗਾਇਆ ਹੈ।
ਮਾਨ ਘਣਸ਼ਾਮਪੂਰੀਆ ਨੇ ਕਿਹਾ ਕਿ ਇਸ ਤੋਂ ਕੁਝ ਨਹੀਂ ਹੋਵੇਗਾ। ਉਹ ਇੰਗਲੈਂਡ ਵਿੱਚ ਭਾਰਤੀ ਏਜੰਸੀਆਂ ਵਲੋਂ ਉਸਦਾ ਪਿੱਛਾ ਕਰਨ ਬਾਰੇ ਸਭ ਕੁਝ ਜਾਣਦਾ ਹੈ। ਉਹ ਅੰਗਰੇਜ਼ੀ ਪੁਲਿਸ ਕੋਲ ਸ਼ਿਕਾਇਤ ਦਰਜ ਕਰਵਾਏਗਾ ਅਤੇ ਉਨ੍ਹਾਂ ਨੂੰ ਇੱਥੇ ਕੈਦ ਕਰ ਦੇਵੇਗਾ। ਇਸ ਦੇ ਨਾਲ ਹੀ ਆਪਣੀ ਵੀਡੀਓ ‘ਚ ਮਾਨ ਘਣਸ਼ਾਮਪੂਰੀਆ ਨੇ ਦਾਅਵਾ ਕੀਤਾ ਕਿ ਭਾਰਤੀ ਏਜੰਸੀਆਂ ਨੇ ਮਸ਼ਹੂਰ ਪੰਜਾਬੀ ਗਾਇਕ ਸਿੱਧੂ ਮੂਸੇਵਾਲਾ ਅਤੇ ਅਦਾਕਾਰ ਦੀਪ ਸਿੱਧੂ ਨੂੰ ਮਾਰ ਦਿੱਤਾ ਸੀ।
ਘਣਸ਼ਾਮਪੂਰੀਆ ਨੇ ਕਿਹਾ ਹੁਣ ਉਸਦਾ ਪਿੱਛਾ ਕੀਤਾ ਜਾ ਰਿਹਾ ਹੈ ਅਤੇ ਉਸਨੂੰ ਮਾਰਨ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ। ਘਣਸ਼ਾਮਪੂਰੀਆ ਨੇ ਇਹ ਵੀ ਦਾਅਵਾ ਕੀਤਾ ਕਿ ਉਹ ਨਾ ਤਾਂ ਖਾਲਿਸਤਾਨੀ ਹੈ ਅਤੇ ਨਾ ਹੀ ਅੱਤਵਾਦੀ। ਜਿਵੇਂ ਹੀ ਉਹ ਸੋਸ਼ਲ ਮੀਡੀਆ ‘ਤੇ ਬੋਲਣ ਲਈ ਜਾਂਦਾ ਹੈ, ਉਸਦੀ ਆਵਾਜ਼ ਨੂੰ ਚੁੱਪ ਕਰਾ ਦਿੱਤਾ ਜਾਂਦਾ ਹੈ ਅਤੇ ਉਸ ‘ਤੇ ਪਾਬੰਦੀ ਲਗਾ ਦਿੱਤੀ ਜਾਂਦੀ ਹੈ। ਕੀ ਮੈਂ ਅੱਤਵਾਦੀ ਹਾਂ ਜਾਂ ਖਾਲਿਸਤਾਨੀ? ਕੀ ਤੁਹਾਨੂੰ ਲੱਗਦਾ ਹੈ ਕਿ ਮੈਂ ਵੀਡੀਓ ਅਪਲੋਡ ਨਹੀਂ ਕਰ ਸਕਾਂਗਾ? ਮੈਂ ਕੱਲ੍ਹ ਲਾਈਵ ਹੋਇਆ ਸੀ, ਅਤੇ ਉਨ੍ਹਾਂ ਨੇ ਮੈਨੂੰ ਬੈਨ ਕਰ ਦਿੱਤਾ।
ਤੁਸੀਂ ਸਿੱਧੂ ਮੂਸੇਵਾਲਾ ਅਤੇ ਦੀਪ ਸਿੱਧੂ ਨੂੰ ਮਰਵਾ ਦਿੱਤਾ
ਮਾਨ ਘਣਸ਼ਾਮਪੂਰੀਆ ਨੇ ਇੱਕ ਵੀਡੀਓ ਜਾਰੀ ਕਰਕੇ ਕਿਹਾ ਕਿ ਭਾਰਤੀ ਏਜੰਸੀਆਂ ਲਗਾਤਾਰ ਮੇਰਾ ਪਿੱਛਾ ਕਰ ਰਹੀਆਂ ਹਨ। ਉਹ ਮੈਨੂੰ ਮਾਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਤੁਸੀਂ ਸਿੱਧੂ ਮੂਸੇਵਾਲਾ ਨੂੰ ਮਾਰ ਦਿੱਤਾ। ਤੁਸੀਂ ਲੋਕਾਂ ਨੇ ਦੀਪ ਸਿੱਧੂ ਨੂੰ ਮਾਰ ਦਿੱਤਾ। ਹੁਣ ਤੁਸੀਂ ਸੋਚਦੇ ਹੋ ਕਿ ਤੁਸੀਂ ਮਾਨ ਘਣਸ਼ੰਪੂਰੀਆ ਨੂੰ ਵੀ ਮਾਰ ਸਕਦੇ ਹੋ, ਪਰ ਤੁਸੀਂ ਅਜਿਹਾ ਨਹੀਂ ਕਰ ਸਕਦੇ।
ਗੋਪੀ ਘਣਸ਼ਾਮਪੂਰੀਆ ਗੈਂਗ ਦਾ ਪੰਜਾਬ ਦੇ ਮਾਝਾ ਪੱਟੀ ਵਿੱਚ ਪ੍ਰਭਾਵ
ਇਸ ਸਮੇਂ ਘਣਸ਼ਾਮਪੂਰੀਆ ਅਤੇ ਜੱਗੂ ਭਗਵਾਨਪੁਰੀਆ ਗੈਂਗ ਵਿਚਕਾਰ ਝਗੜਾ ਚੱਲ ਰਿਹਾ ਹੈ, ਜਿਨ੍ਹਾਂ ਦਾ ਪੰਜਾਬ ਦੇ ਮਾਝਾ ਪੱਟੀ ਵਿੱਚ ਪ੍ਰਭਾਵ ਹੈ। ਦੋ ਦਿਨ ਪਹਿਲਾਂ, ਜੱਗੂ ਗੈਂਗ ਨੇ ਬਟਾਲਾ ਦੇ ਬੇਰਿੰਗ ਕਾਲਜ ਦੇ ਸਾਬਕਾ ਪ੍ਰਿੰਸੀਪਲ ਜਸਮੀਤ ‘ਤੇ ਗੋਲੀਬਾਰੀ ਕੀਤੀ ਸੀ। ਜਸਮੀਤ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ਸੀ। ਜੱਗੂ ਗੈਂਗ ਦੇ ਹੈਰੀ ਛੱਤੀਆ, ਕੇਸ਼ਵ ਸ਼ਿਵਾਲਾ ਅਤੇ ਅੰਮ੍ਰਿਤ ਦਾਲਮ ਨੇ ਹਮਲੇ ਦੀ ਜ਼ਿੰਮੇਵਾਰੀ ਲਈ ਸੀ।
ਦੱਸ ਦਈਏ ਕਿ ਗੋਪੀ ਘਣਸ਼ਾਮਪੂਰੀਆ ਪਾਕਿਸਤਾਨੀ ਡੌਨ ਸ਼ਹਿਜ਼ਾਦ ਭੱਟੀ ਨਾਲ ਨੇੜਿਓਂ ਜੁੜਿਆ ਹੋਇਆ ਹੈ, ਦਾ ਆਪਣੇ ਭਰਾ ਨਾਲ ਝਗੜਾ ਹੋ ਗਿਆ ਹੈ। ਇੱਕ ਹਫ਼ਤਾ ਪਹਿਲਾਂ, ਸ਼ਹਿਜ਼ਾਦ ਭੱਟੀ ਅਤੇ ਮਾਨ ਘਣਸ਼ਾਮਪੂਰੀਆ ਵਿਚਕਾਰ ਦਰਾਰ ਜਨਤਕ ਹੋ ਗਈ ਸੀ। ਸ਼ਹਿਜ਼ਾਦ ਭੱਟੀ ਨੇ ਮਾਨ ਘਣਸ਼ਾਮਪੂਰੀਆ ਨੂੰ ਨਸ਼ੇੜੀ ਕਿਹਾ ਸੀ।
