ਪੰਜਾਬ ਦੇ SHO ਦੀਆਂ ਵਧੀਆਂ ਮੁਸ਼ਕਿਲਾਂ, ਪਾਕਿਸਤਾਨੀ ਡੌਨ ਭੱਟੀ ਖੁਲਾਸਾ ਕਰ ਬੋਲਿਆ- “ਮੈਂ ਫ਼ੋਨ ਨਹੀਂ ਕੀਤਾ; ਔਰਤ ਨੂੰ ਇਕੱਲੀ…
Punjab News: ਪੰਜਾਬ ਦੇ ਜਲੰਧਰ ਵਿੱਚ ਇੱਕ ਬਲਾਤਕਾਰ ਪੀੜਤਾ ਅਤੇ ਮੁਅੱਤਲ ਫਿਲੌਰ ਦੇ ਐਸਐਚਓ ਭੂਸ਼ਣ ਕੁਮਾਰ ਦੇ ਮਾਮਲੇ ਨੂੰ ਲੈ ਕੇ ਵਿਵਾਦ ਹੋਰ ਡੂੰਘਾ ਹੁੰਦਾ ਜਾ ਰਿਹਾ ਹੈ। ਐਸਐਚਓ ਭੂਸ਼ਣ ਕੁਮਾਰ, ਜਿਸਨੇ ਕੁਝ ਦਿਨ ਪਹਿਲਾਂ ਪਾਕਿਸਤਾਨੀ ਡੌਨ ਸ਼ਹਿਜ਼ਾਦ ਭੱਟੀ ਤੋਂ ਧਮਕੀਆਂ ਮਿਲਣ ਦਾ ਦਾਅਵਾ ਕੀਤਾ ਸੀ ਅਤੇ ਦੋਸ਼ ਲਗਾਇਆ ਸੀ ਕਿ ਬਲਾਤਕਾਰ ਪੀੜਤਾ ਦੇ ਪਾਕਿਸਤਾਨੀ ਏਜੰਸੀਆਂ ਨਾਲ ਸਬੰਧ ਹਨ, ਹੁਣ ਖੁਦ ਜਾਂਚ ਦੇ ਘੇਰੇ ਵਿੱਚ ਆ ਗਏ ਹਨ।
ਇਸਦਾ ਕਾਰਨ ਹੈ ਕਿ ਸ਼ਹਿਜ਼ਾਦ ਭੱਟੀ ਦੀ ਇੱਕ ਕਥਿਤ ਆਡੀਓ ਰਿਕਾਰਡਿੰਗ ਸਾਹਮਣੇ ਆਈ ਹੈ, ਜਿਸ ਵਿੱਚ ਉਹ ਸਾਫ਼-ਸਾਫ਼ ਕਹਿੰਦੇ ਸੁਣਾਈ ਦੇ ਰਿਹਾ ਹੈ ਕਿ ਉਸਨੇ ਨਾ ਤਾਂ ਕਿਸੇ ਭਾਰਤੀ ਪੁਲਿਸ ਅਧਿਕਾਰੀ ਨੂੰ ਫ਼ੋਨ ਕੀਤਾ ਅਤੇ ਨਾ ਹੀ ਕਿਸੇ ਨੂੰ ਧਮਕੀ ਦਿੱਤੀ ਹੈ। ਭੱਟੀ ਨੇ ਕਿਹਾ ਕਿ ਇਹ ਸਭ ਇੱਕ ਮਨਘੜਤ ਕਹਾਣੀ ਹੈ, ਜੋ ਸਿਰਫ਼ ਆਪਣੇ ਆਪ ਨੂੰ ਬਚਾਉਣ ਲਈ ਘੜੀ ਗਈ ਹੈ।
ਪਾਕਿਸਤਾਨੀ ਗੈਂਗਸਟਰ ਨੇ ਇਹ ਵੀ ਦੋਸ਼ ਲਗਾਇਆ ਕਿ ਭੂਸ਼ਣ ਕੁਮਾਰ ਨੇ ਖੁਦ ਫੋਨ ਕਾਲ ਨੂੰ ਪਲੋਟ ਕਰਵਾਇਆ ਹੈ, ਤਾਂ ਜੋ ਮਾਮਲੇ ਦੀ ਦਿਸ਼ਾ ਬਦਲੀ ਜਾ ਸਕੇ। ਭੱਟੀ ਨੇ ਇਹ ਵੀ ਕਿਹਾ ਕਿ ਜੇਕਰ ਉਹ ਕਿਸੇ ਨੂੰ ਫ਼ੋਨ ਕਰਦਾ, ਤਾਂ ਉਹ ਆਪਣੇ ਅਸਲ ਨੰਬਰ ਤੋਂ ਅਜਿਹਾ ਕਰਦਾ, ਕਿਉਂਕਿ ਉਸਦੀ ਆਵਾਜ਼ ਅਤੇ ਬੋਲਣ ਦਾ ਢੰਗ ਸਭ ਜਾਣਦੇ ਹਨ।
ਦੱਸ ਦੇਈਏ ਕਿ ਐਸਐਚਓ ਭੂਸ਼ਣ ਕੁਮਾਰ ਨੂੰ ਬਲਾਤਕਾਰ ਪੀੜਤਾ ਦੀ ਮਾਂ ਨੂੰ ਇਕੱਲੇ ਥਾਣੇ ਬੁਲਾਉਣ ਲਈ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਰਾਜ ਲਾਲੀ ਗਿੱਲ ਦੇ ਦਖਲ ਤੋਂ ਬਾਅਦ, ਭੂਸ਼ਣ ਕੁਮਾਰ ਵਿਰੁੱਧ ਉਸਦੇ ਆਪਣੇ ਫਿਲੌਰ ਪੁਲਿਸ ਸਟੇਸ਼ਨ ਵਿੱਚ ਐਫਆਈਆਰ ਦਰਜ ਕੀਤੀ ਗਈ ਹੈ। ਜਲੰਧਰ ਦਿਹਾਤੀ ਦੇ ਐਸਐਸਪੀ ਹਰਵਿੰਦਰ ਸਿੰਘ ਵਿਰਕ ਨੇ ਇਸਦੀ ਪੁਸ਼ਟੀ ਕੀਤੀ ਹੈ।
ਇਸ ਮਾਮਲੇ ਦੀ ਜਾਂਚ ਜਾਰੀ ਹੈ, ਪਰ ਪੁਲਿਸ ਇਹ ਵੀ ਜਾਂਚ ਕਰ ਰਹੀ ਹੈ ਕਿ ਕੀ ਪਾਕਿਸਤਾਨੀ ਡੌਨ ਦੇ ਨਾਮ ‘ਤੇ ਕੀਤੀ ਗਈ ਧਮਕੀ ਭਰੀ ਕਾਲ ਸੱਚੀ ਸੀ ਜਾਂ ਸਿਰਫ਼ ਇੱਕ ਡ੍ਰਾਮਾ ਰਚਿਆ ਗਿਆ ਸੀ।
