ICICI Bank FD Rates: ICICI ਬੈਂਕ ਨੇ ਬਚਤ ਖਾਤੇ ਅਤੇ FD ‘ਤੇ ਘਟਾਈਆਂ ਵਿਆਜ ਦਰਾਂ, ਜਾਣੋ ਨਵੀਆਂ ਦਰਾਂ
ICICI Bank Cuts FD and Savings Rates: ਹੁਣ ICICI ਵੀ ਬੈਂਕ ਜਮ੍ਹਾਂ ਰਾਸ਼ੀਆਂ ‘ਤੇ ਵਿਆਜ ਦਰਾਂ ਘਟਾਉਣ ਵਾਲੇ ਬੈਂਕਾਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਿਆ ਹੈ। SBI, HDFC ਤੋਂ ਬਾਅਦ ਹੁਣ ICICI ਬੈਂਕ ਨੇ ਵੀ ਬਚਤ ਖਾਤੇ ਅਤੇ ਫਿਕਸਡ ਡਿਪਾਜ਼ਿਟ ਦੋਵਾਂ ‘ਤੇ ਵਿਆਜ ਦਰਾਂ ਘਟਾ ਦਿੱਤੀਆਂ ਹਨ। ਇਹ ਸੋਧੀਆਂ ਦਰਾਂ 17 ਅਪ੍ਰੈਲ, 2027 ਤੋਂ ਲਾਗੂ ਹੋ ਗਈਆਂ ਹਨ। ਆਰਬੀਆਈ ਵੱਲੋਂ ਰੈਪੋ ਰੇਟ ਵਿੱਚ ਕਟੌਤੀ ਤੋਂ ਬਾਅਦ, ਹੁਣ ਬੈਂਕ ਨੇ ਇਹ ਕਦਮ ਚੁੱਕਿਆ ਹੈ।
ਜੇਕਰ ਤੁਹਾਡਾ ICICI ਬੈਂਕ ਵਿੱਚ ਬੱਚਤ ਖਾਤਾ ਹੈ, ਤਾਂ ਹੁਣ ਤੁਹਾਨੂੰ ਇਸ ‘ਤੇ ਘੱਟ ਵਿਆਜ ਮਿਲੇਗਾ। 50 ਲੱਖ ਰੁਪਏ ਤੋਂ ਘੱਟ ਦੀ ਰਕਮ ਲਈ ਵਿਆਜ ਦਰ ਹੁਣ 3 ਪ੍ਰਤੀਸ਼ਤ ਤੋਂ ਘਟਾ ਕੇ 2.75 ਪ੍ਰਤੀਸ਼ਤ ਸਾਲਾਨਾ ਕਰ ਦਿੱਤੀ ਗਈ ਹੈ। ਇਸ ਤੋਂ ਇਲਾਵਾ, ਜੇਕਰ ਤੁਹਾਡੇ ਬਚਤ ਖਾਤੇ ਵਿੱਚ 50 ਲੱਖ ਰੁਪਏ ਜਾਂ ਇਸ ਤੋਂ ਵੱਧ ਦੀ ਰਕਮ ਹੈ, ਤਾਂ ਵਿਆਜ ਦਰਾਂ 3.5 ਪ੍ਰਤੀਸ਼ਤ ਤੋਂ ਘਟਾ ਕੇ 3.25 ਪ੍ਰਤੀਸ਼ਤ ਕਰ ਦਿੱਤੀਆਂ ਗਈਆਂ ਹਨ।
ਗਾਹਕਾਂ ਨੂੰ ਫਿਕਸਡ ਡਿਪਾਜ਼ਿਟ ‘ਤੇ 3% ਤੋਂ 7.05% ਤੱਕ ਵਿਆਜ ਦਰਾਂ ਮਿਲ ਰਹੀਆਂ ਹਨ, ਜਦੋਂ ਕਿ ਸੀਨੀਅਰ ਨਾਗਰਿਕਾਂ ਨੂੰ 3.5 ਪ੍ਰਤੀਸ਼ਤ ਤੋਂ 7.55 ਪ੍ਰਤੀਸ਼ਤ ਤੱਕ ਦੀਆਂ ਦਰਾਂ ਮਿਲ ਰਹੀਆਂ ਹਨ। ਉਦਾਹਰਣ ਵਜੋਂ, ਆਮ ਗਾਹਕਾਂ ਨੂੰ ਹੁਣ 30 ਤੋਂ 45 ਦਿਨਾਂ ਦੀ FD ‘ਤੇ 3% ਵਿਆਜ ਮਿਲੇਗਾ, ਜੋ ਕਿ ਪਹਿਲਾਂ 3.5% ਸੀ। ਇਸੇ ਤਰ੍ਹਾਂ 61 ਤੋਂ 90 ਦਿਨਾਂ ਦੀ ਐਫਡੀ ‘ਤੇ ਵਿਆਜ ਦਰ 4.5% ਤੋਂ ਘਟਾ ਕੇ 4.25% ਕਰ ਦਿੱਤੀ ਗਈ ਹੈ।
ਹੁਣ 15 ਤੋਂ 18 ਮਹੀਨਿਆਂ ਦੀ ਫਿਕਸਡ ਡਿਪਾਜ਼ਿਟ ‘ਤੇ 6.8 ਪ੍ਰਤੀਸ਼ਤ ਵਿਆਜ ਮਿਲੇਗਾ, ਜਦੋਂ ਕਿ ਪਹਿਲਾਂ ਇਹ ਦਰ 7.25 ਪ੍ਰਤੀਸ਼ਤ ਸੀ। 18 ਮਹੀਨਿਆਂ ਤੋਂ 2 ਸਾਲ ਦੀ ਮਿਆਦ ਵਾਲੀਆਂ ਐਫਡੀਜ਼ ‘ਤੇ ਵਿਆਜ ਦਰ ਵੀ 7.25 ਪ੍ਰਤੀਸ਼ਤ ਤੋਂ ਘਟਾ ਕੇ 7.05 ਪ੍ਰਤੀਸ਼ਤ ਕਰ ਦਿੱਤੀ ਗਈ ਹੈ। ਹਾਲਾਂਕਿ, ਬਜ਼ੁਰਗ ਨਾਗਰਿਕਾਂ ਨੂੰ ਹਰ ਪੀਰੀਅਡ ‘ਤੇ ਆਮ ਗਾਹਕਾਂ ਨਾਲੋਂ ਥੋੜ੍ਹਾ ਜ਼ਿਆਦਾ ਵਿਆਜ ਮਿਲ ਰਿਹਾ ਹੈ। ਉਦਾਹਰਣ ਵਜੋਂ, ਸੀਨੀਅਰ ਨਾਗਰਿਕਾਂ ਨੂੰ 7 ਤੋਂ 29 ਦਿਨਾਂ ਦੀ FD ‘ਤੇ 3.5 ਪ੍ਰਤੀਸ਼ਤ ਵਿਆਜ ਮਿਲਦਾ ਹੈ, ਜਦੋਂ ਕਿ 46 ਤੋਂ 60, 61 ਤੋਂ 90, 91 ਤੋਂ 184, ਅਤੇ 185 ਤੋਂ 270 ਦਿਨਾਂ ਦੀ FD ‘ਤੇ ਵਿਆਜ ਦਰਾਂ ਕ੍ਰਮਵਾਰ 4.75%, 4.75%, 5.25% ਅਤੇ 6.25% ਨਿਰਧਾਰਤ ਕੀਤੀਆਂ ਗਈਆਂ ਹਨ।
ਖਾਸ ਗੱਲ ਇਹ ਹੈ ਕਿ 2 ਸਾਲ 1 ਦਿਨ ਤੋਂ 5 ਸਾਲ ਦੇ ਫਿਕਸਡ ਡਿਪਾਜ਼ਿਟ ‘ਤੇ ਵਿਆਜ ਦਰ ਆਮ ਗਾਹਕਾਂ ਲਈ ਥੋੜ੍ਹੀ ਵਧਾ ਕੇ 6.9 ਪ੍ਰਤੀਸ਼ਤ ਕਰ ਦਿੱਤੀ ਗਈ ਹੈ, ਅਤੇ ਸੀਨੀਅਰ ਨਾਗਰਿਕਾਂ ਲਈ ਇਹ ਦਰ 7.40 ਪ੍ਰਤੀਸ਼ਤ ਹੈ। ਇਸ ਦੇ ਨਾਲ ਹੀ, 5 ਸਾਲ 1 ਦਿਨ ਤੋਂ 10 ਸਾਲ ਤੱਕ ਦੀ FD ‘ਤੇ ਵਿਆਜ ਦਰ ਆਮ ਗਾਹਕਾਂ ਲਈ 6.8 ਪ੍ਰਤੀਸ਼ਤ ਅਤੇ ਸੀਨੀਅਰ ਨਾਗਰਿਕਾਂ ਲਈ 7.30 ਪ੍ਰਤੀਸ਼ਤ ਕਰ ਦਿੱਤੀ ਗਈ ਹੈ। ਹੁਣ ਆਮ ਗਾਹਕਾਂ ਨੂੰ 5 ਸਾਲਾਂ ਦੀ ਟੈਕਸ-ਬਚਤ FD ‘ਤੇ 6.9 ਪ੍ਰਤੀਸ਼ਤ ਅਤੇ ਸੀਨੀਅਰ ਨਾਗਰਿਕਾਂ ਨੂੰ 7.40 ਪ੍ਰਤੀਸ਼ਤ ਵਿਆਜ ਮਿਲੇਗਾ।
ਇਹ ਧਿਆਨ ਦੇਣ ਯੋਗ ਹੈ ਕਿ ਇਹ ਬਦਲਾਅ ਭਾਰਤੀ ਰਿਜ਼ਰਵ ਬੈਂਕ (RBI) ਦੀਆਂ ਨੀਤੀਆਂ ਕਾਰਨ ਹੋਇਆ ਹੈ, ਜੋ ਇਸ ਸਮੇਂ ਵਿਆਜ ਦਰਾਂ ਘਟਾਉਣ ਵੱਲ ਵਧ ਰਿਹਾ ਹੈ। ਇਸਦਾ ਪ੍ਰਭਾਵ ਬੈਂਕਾਂ ਦੀਆਂ ਜਮ੍ਹਾਂ ਯੋਜਨਾਵਾਂ ‘ਤੇ ਸਪੱਸ਼ਟ ਤੌਰ ‘ਤੇ ਦਿਖਾਈ ਦੇ ਰਿਹਾ ਹੈ।
