ਚੰਦਰ ਗ੍ਰਹਿਣ 2026: ਸਾਲ ਦਾ ਆਖਰੀ ਚੰਦਰ ਗ੍ਰਹਿਣ ਸ਼ੁਰੂ, ਅਸਮਾਨ ‘ਚ ਦਿਖੇਗਾ ਅਨੋਖਾ ਨਜ਼ਾਰਾ
last lunar eclipse of 2026: ਚੰਦਰ ਗ੍ਰਹਿਣ 2026: ਸਾਲ 2026 ਦਾ ਆਖਰੀ ਚੰਦਰ ਗ੍ਰਹਿਣ ਸ਼ੁਰੂ ਹੋ ਗਿਆ ਹੈ। ਇਸ ਖਗੋਲੀ ਘਟਨਾ ਦੌਰਾਨ ਧਰਤੀ ਸੂਰਜ ਅਤੇ ਚੰਦਰਮਾ ਦੇ ਵਿਚਕਾਰ ਆ ਜਾਂਦੀ ਹੈ, ਜਿਸ ਕਾਰਨ ਧਰਤੀ ਦੀ ਛਾਂ ਚੰਦਰਮਾ ‘ਤੇ ਪੈਂਦੀ ਹੈ।
ਚੰਦਰ ਗ੍ਰਹਿਣ ਨੂੰ ਲੈ ਕੇ ਲੋਕਾਂ ਵਿੱਚ ਕਾਫ਼ੀ ਉਤਸ਼ਾਹ ਹੈ। ਆਸਮਾਨ ਸਾਫ਼ ਹੋਣ ਦੀ ਸਥਿਤੀ ਵਿੱਚ ਇਸ ਖਗੋਲੀ ਘਟਨਾ ਨੂੰ ਨੰਗੀ ਅੱਖ ਨਾਲ ਵੀ ਦੇਖਿਆ ਜਾ ਸਕਦਾ ਹੈ। ਗ੍ਰਹਿਣ ਦੌਰਾਨ ਚੰਦਰਮਾ ਦਾ ਰੰਗ ਗੂੜ੍ਹਾ ਜਾਂ ਲਾਲੀ ਵਾਲਾ ਦਿਖਾਈ ਦੇ ਸਕਦਾ ਹੈ, ਜਿਸ ਨੂੰ ਆਮ ਤੌਰ ‘ਤੇ ‘ਬਲੱਡ ਮੂਨ’ ਵੀ ਕਿਹਾ ਜਾਂਦਾ ਹੈ। ਇਹ ਸਾਲ 2026 ਦਾ ਆਖਰੀ ਚੰਦਰ ਗ੍ਰਹਿਣ ਹੈ ਅਤੇ ਇਸ ਨੂੰ ਦੇਖਣ ਲਈ ਖਗੋਲ ਵਿਗਿਆਨ ਵਿੱਚ ਦਿਲਚਸਪੀ ਰੱਖਣ ਵਾਲੇ ਲੋਕਾਂ ਵਿੱਚ ਖਾਸ ਉਤਸ਼ਾਹ ਹੈ।
ਦੱਸ ਦਈਏ ਕਿ ਇਹ ਚੰਦਰ ਗ੍ਰਹਿਣ ਭਾਰਤ ‘ਚ ਦਿਖਾਈ ਨਹੀਂ ਦੇਵੇਗਾ। ਪਰ ਇਹ ਚੰਦਰ ਗ੍ਰਹਿਣ ਮੁੱਖ ਤੌਰ ‘ਤੇ ਉੱਤਰੀ ਅਮਰੀਕਾ, ਦੱਖਣੀ ਅਮਰੀਕਾ, ਯੂਰਪ, ਅਫਰੀਕਾ, ਪੂਰਬੀ ਪ੍ਰਸ਼ਾਂਤ ਮਹਾਸਾਗਰ ਅਤੇ ਅਟਲਾਂਟਿਕ ਮਹਾਸਾਗਰ ਖੇਤਰ ਤੋਂ ਦਿਖਾਈ ਦੇਵੇਗਾ। ਦੁਨੀਆ ਭਰ ਦੇ ਕਈ ਵੱਡੇ ਸ਼ਹਿਰ ਇਸ ਆਕਾਸ਼ੀ ਘਟਨਾ ਦੇ ਗਵਾਹ ਹੋਣਗੇ, ਜਿਸ ਵਿੱਚ ਯੂਰਪੀਅਨ ਸ਼ਹਿਰ ਜਿਵੇਂ ਕਿ ਵਿਯੇਨ੍ਨਾ, ਪੈਰਿਸ, ਰੋਮ, ਬਰਲਿਨ, ਪ੍ਰਾਗ, ਬ੍ਰਸੇਲਜ਼, ਮੈਡ੍ਰਿਡ ਅਤੇ ਲੰਡਨ ਸ਼ਾਮਲ ਹਨ।
ਇਹ ਗ੍ਰਹਿਣ ਨਿਊਯਾਰਕ ਅਤੇ ਦੱਖਣੀ ਅਮਰੀਕਾ ਦੇ ਰੀਓ ਡੀ ਜਨੇਰੀਓ ਅਤੇ ਬਿਊਨਸ ਆਇਰਸ ਵਿੱਚ ਵੀ ਸਪੱਸ਼ਟ ਤੌਰ ‘ਤੇ ਦਿਖਾਈ ਦੇਵੇਗਾ। ਅਫ਼ਰੀਕੀ ਮਹਾਂਦੀਪ ‘ਤੇ ਜੋਹਾਨਸਬਰਗ ਵੀ ਉਨ੍ਹਾਂ ਥਾਵਾਂ ਵਿੱਚੋਂ ਇੱਕ ਹੈ ਜਿੱਥੇ ਇਹ ਚੰਦਰ ਗ੍ਰਹਿਣ ਸਪੱਸ਼ਟ ਤੌਰ ‘ਤੇ ਦਿਖਾਈ ਦੇਵੇਗਾ।
